मोला पुरूस साथी अउ यौन संबंध के बारे म कइसे फइसला लेना चाही?
From Audiopedia
यौन संबंध तभे बनाना चाही, जब तुमन ये फइसला कर लव के तुमन तइयार होगे हव अउ खुद ल कोनो भी नुकसान ले बचा सकत हव। यौन संबंध के आनंद दुनोंझन ल मिल सकत हावय, फेर डर्राए या लजाए म नइ।
मोटियारी माईलोगन हर कईठन कारन ले यौन संबंध बनाथें। कईझन लईका पइदा करे बर करथें। कईझन आनंद ले बर करथें। कईझन माईलोगन ल लगथे के एक पत्नी या फेर परेमिका के रूप म ए हर उंखर करतब हे। कईझन माईलोगन पइसा बर या जिंदा रेहे बर जेवन-पानी के बेवस्था अउ लईकामन ल पाले-पोसे बर यौन संबंध के बयपार करथें।
कईझन यौन संबंध एखर सेती बनाथें, काबर के ओमन ल लगथे के एखर ले ओखर साथी हर ओला जादा मयाकरही। कभु-कभु संगी या लड़का साथी ह कोनो नोनी ल ये अहसास करा सकत हावय के तइयार नइ होए म ओला यौन संबंध बनाना चाही।
कोनो भी मनखे ल यौन संबंध तभे बनाना चाही, जब ओखर मरजी हो। जब तुमन एखर बर तइयार हो जावव, तभे यौन संबंध बनावव। जब तुंहर भीतरी डर या लाजरहिथे, या फेर तुमन एखर बर तइयार नइ रहव, त एखर आनंद लेना मुसकिल हो जथे।
अगर तुमन यौन संबंध बर तइयार होथव, त हमेसा गर्भावस्था अउ बीमारी ले खुद ल बचाना चाही।