ఆహారం తయారుచేసే ముందు, తినే ముందు మరియు మీ పిల్లలకు తినిపించే ముందు మీ చేతులను సబ్బు మరియు నీటితో కడుక్కోండి. చేతులు కడుక్కోవడం ద్వారా వ్యాధి వ్యాప్తిని నివారించవచ్చు. మీ చేతులు తుడుచుకోవడానికి శుభ్రమైన ప్రత్యేక వస్త్రం ఉపయోగించండి. ఆ వస్త్రాన్ని తరచుగా ఉతికి, ఎండలో ఆరబెట్టండి లేదా మీ చేతుల్లో నీళ్లు క్రిందికి జారిపోయేలా మీ చేతులు ఊపుతూ, ఆరనివ్వండి.
పచ్చిగానే తినే పండ్లు మరియు కూరగాయలన్నింటినీ కడిగి లేదా తొక్క తీసి తినండి.
మాంసం, పౌల్ట్రీ లేదా చేపలు లాంటివి పచ్చిగా తినే ఆహారాలకు తగలకుండా చూసుకోండి. ఈ మాంసాలు ముక్కలు చేసిన తర్వాత ఎల్లప్పుడూ మీ చేతులు, కత్తి మరియు కట్టింగ్ బోర్డ్‌ని కడిగి శుభ్రం చేయండి.
ఆహారానికి దగ్గర్లో దగ్గడం, ఉమ్మడం మరియు ఆహారం దగ్గర ఉన్నప్పుడు గమ్ లేదా పాన్ లాంటివి నమలకండి. తద్వారా, మీ లాలాజలం ఆహారం మీద పడదు.
వంటకాలు లేదా శుభ్రం చేసిన పాత్రలను జంతువులు నాకకుండా చూసుకోండి. వీలైతే, జంతువులను వంటగదికి దూరంగా ఉంచండి.