కుమార్తెల చికిత్స మరియు విద్యకు సంబంధించిన సంఘర్షణలను నేనెలా పరిష్కరించగలను
From Audiopedia
అబ్బాయిలు లేదా అమ్మాయిలు ఎవరైనా సరే, తమ పిల్లలందరినీ ఒకేలా చూసుకోవడం మరియు మెచ్చుకోవడంలో తల్లిదండ్రులు సానుకూల ఆలోచనతో ఉన్నప్పుడు మరియు అలా ప్రవర్తించినప్పుడే మొత్తం సమాజంలో మార్పు వస్తుంది. మగపిల్లలతో సమానంగా ఆడపిల్లలకు ప్రతి రంగంలోనూ ప్రవేశం మరియు అవకాశాలు కల్పించాలి. ఎందుకంటే, అబ్బాయిలు మాదిరిగానే అమ్మాయిలు విలువైనవారు. ఏ రంగమైనప్పటికీ, అబ్బాయిల కంటే అమ్మాయిల సామర్థ్యమేమీ తక్కువగా ఉండదు. అలాగే, కొన్నిసార్లు పాఠశాలల్లో మరియు విశ్వవిద్యాలయాల్లో అబ్బాయిలను అమ్మాయిలు అధిగమిస్తుంటారు. రుజువు కావాలంటే, ఇటీవలి పరీక్షా ఫలితాలు చూడండి.
చాలామంది చదువుకున్న కోడళ్లు రావాలని కోరుకుంటారు. కానీ, తరచుగా సొంత కుమార్తెలను పెద్ద చదవులు చదివించడానికి ఇష్టపడరు. ఇది న్యాయం కాదు లేదా వాస్తవికమూ కాదు.
ఒక ప్రసిద్ధ సామెత ప్రకారం, \"మీరు మీ కుమార్తెకు విద్య అందిస్తే, రెండు కుటుంబాలకు మీరు విద్య అందించినవారవుతారు\". ప్రస్తుత చర్చకు ఇది అత్యంత సందర్భోచితంగా ఉంటుంది. ఎందుకంటే, మీ కుమారుడికి విద్య అందించడం ద్వారా, మీరు ఒక వ్యక్తికి మాత్రమే విద్య అందిస్తారు. అయితే, మీ కుమార్తెకు విద్య అందించడం ద్వారా మీరు ఆమెకే కాకుండా, భవిష్యత్తులో ఆమె కొత్త కుటుంబానికి కూడా విద్య అందించినవారవుతారు.
విద్య అనేది ఉపాధికి దగ్గరి సంబంధం కలిగి ఉంటుంది. నాసిరకం విద్య వల్ల తక్కువ హోదా, తక్కువ వేతనంతో కూడిన ఉపాధి మాత్రమే లభిస్తుంది. కాబట్టి, కుమార్తె స్థితిని మెరుగుపరచడానికి మరియు ఆమెకు ఆర్థిక స్వతంత్రం అందించడానికి విద్య అందించడమే తల్లిదండ్రులు చేయగల అత్యంత ప్రభావవంతమైన చర్య కాగలదు.