గర్భధారణ మరియు ప్రసవ కాలంలో నా బిడ్డ తండ్రి నాకు ఏవిధంగా అత్యుత్తమ మద్దతు అందించగలరు
From Audiopedia
మీ ప్రసవ మరియు శిశు జనన సమయంలో మీ శిశువు తండ్రి కూడా మీకు సహాయం చేయవచ్చు:
ప్రసవ సమయంలో ఆయన మీతోనే ఉంటే, మీకు భావోద్వేగ మరియు శారీరక మద్దతు అందించడం ద్వారా, ఆయన మీకు సహాయం చేయగలరు. ఆయన మిమ్మల్ని ప్రోత్సహిస్తూ, మీకేమీ కాదని చెప్పవచ్చు. మీరు త్రాగడానికి ఆయన నీళ్లు అందివ్వవచ్చు, కష్ట సమయంలో మీరు నడవడంలో లేదా కూర్చోవడంలో మీకు సహాయం చేయగలరు లేదా మీ వీపు రుద్దగలరు.
ప్రసవం తర్వాత మొదటి 6 వారాలు స్త్రీ మళ్లీ బలంగా మరియు ఆరోగ్యంగా తయారు కావడానికి అత్యంత ముఖ్యమైన సమయం అని మీ బిడ్డ తండ్రికి చెప్పండి. ఈ సమయంలో మీకు చాలా ఆరోగ్యకరమైన ఆహారాలతో పాటు పుష్కలంగా విశ్రాంతి అవసరం. నీళ్లు లేదా కట్టెలు తీసుకురావడం, మీ ఇతర పిల్లలను చూసుకోవడం లేదా భోజనం సిద్ధం చేయడం లాంటి మీ పనులు చేయడం ద్వారా, మీరు మరింత విశ్రాంతి తీసుకోవడంలో ఆయన మీకు సహాయపడగలరు. ఆయన సహాయం చేయలేకపోతే, అందుకోసం ఆయన వేరొకరి సహాయం కోసం ప్రయత్నించవచ్చు.
మీ శిశువు తండ్రి మీ శిశువు సంరక్షణ కోసం సమయం వెచ్చిస్తే, మీరు నిద్రపోయే అవకాశం ఉంటుంది మరియు ఆయన కూడా తన కొత్త శిశువుకి సన్నిహితం కావచ్చు.
మీ గర్భాశయంలో ఇన్ఫెక్షన్లు నిరోధించడం కోసం మీకు రక్తస్రావం పూర్తిగా ఆగిపోయే వరకు లైంగిక చర్య కోసం ప్రయత్నించకూడదని అతను తెలుసుకోవాలి.
అత్యంత ముఖ్యమైన విషయం ఏమిటంటే, తల్లి మరియు శిశువులు ఆరోగ్యంగా ఉండాలంటే, ప్రసవం తర్వాత, మళ్లీ గర్భం దాల్చడానికి కనీసం 2 సంవత్సరాలు వేచి ఉండడం మంచిది. మీ కుటుంబం మరింత ఆరోగ్యంగా ఉండటానికి సహాయపడే అత్యంత ముఖ్యమైన మార్గాల్లో మీ శిశువు తండ్రి కుటుంబ నియంత్రణ పాటించడం కూడా ఒకటి. ఈ విషయమై ఆయనతో మాట్లాడండి మరియు మీకు ఏ పద్ధతి ఉత్తమమైనదో కలిసి నిర్ణయించుకోండి. ఆ తర్వాత, దానిని అనుసరించే బాధ్యతను ఇద్దరూ పంచుకోండి.