ప్రతి ఒక్కరికీ వారి ఎముకలు మరియు దంతాలు బలంగా ఉండడానికి కాల్షియం అవసరం. అదేసమయంలో, బాలికలు మరియు మహిళలకు అదనపు కాల్షియం అవసరం:
బాల్యంలో. ఒక అమ్మాయి తుంటిభాగం పూర్తి స్థాయిలో ఎదగడానికి కాల్షియం కావాలి. అప్పుడే వాళ్లు పెద్దయ్యాక సురక్షితంగా ప్రసవించగలరు.
గర్భధారణ సమయంలో. శిశువులో ఎముకలు చక్కగా పెరగడానికి మరియు గర్భిణీ స్త్రీలో ఎముకలు మరియు దంతాలు బలంగా ఉండడానికి కాల్షియం అవసరం.
తల్లిపాలు ఇచ్చే సమయంలో. రొమ్ము పాలు తయారుకావడానికి కాల్షియం అవసరం.
మధ్య వయస్సు మరియు వృద్ధాప్యంలో. బలహీనమైన ఎముకలు (ఆస్టియోపోరోసిస్) నివారించడానికి కాల్షియం అవసరం.
ఈ ఆహారాల్లో కాల్షియం సమృద్ధిగా ఉంటుంది:
పాలు, పెరుగు, యోగర్ట్
ఎముకల పులుసు
ఆకుపచ్చ ఆకుకూరలు
జున్ను
నువ్వులు
బాదం
సున్నం (కార్బన్ బూడిద)
తీసుకునే ఆహారం నుండి మీకు లభించే కాల్షియం మొత్తం పెంచడానికి:
ఎముకలు లేదా గుడ్డు పెంకులను వెనిగర్ లేదా నిమ్మరసంలో కొన్ని గంటలు నానబెట్టి, ఆ ద్రవాన్ని సూప్ లేదా ఇతర ఆహారాల్లో ఉపయోగించండి.
సూప్ కోసం ఎముకలు ఉడికించే సమయంలో కొద్దిగా నిమ్మరసం, వెనిగర్ లేదా టమోటా కలపండి.
గుడ్డు పెంకులను మెత్తటి పొడిగా చేసి, వంటల్లో ఉపయోగించండి.
మొక్కజొన్నను సున్నం (కార్బన్ బూడిద)లో నానబెట్టండి
మీ శరీరం కాల్షియంను చక్కగా వినియోగించుకోవడానికి సూర్యరశ్మి సహాయపడుతుంది. ప్రతిరోజూ కనీసం 15 నిమిషాలు ఎండలో ఉండటానికి ప్రయత్నించండి. ఆరుబయట ఉంటే చాలదు. సూర్యకిరణాలు మీ చర్మాన్ని తాకాలని గుర్తుంచుకోండి.