రోజులు లెక్కింపు పద్ధతి ఎలా ఉపయోగించాలి

ఈ పద్ధతి చక్కగా పని చేయాలంటే, మీరు మీ రుతుచక్రం 8వ రోజు నుండి మీ రుతుచక్రం లోని 19వ రోజు వరకు సెక్స్‌లో పాల్గొనకూడదు. ఈ రోజుల్లో మీరు సెక్స్‌లో పాల్గొనాలనుకుంటే, కుటుంబ నియంత్రణకు సంబంధించిన వేరొక పద్ధతి ఉపయోగించాలి.

మీరు మీ ఫలవంతమైన రోజులు గుర్తుంచుకోవడానికి పూసలు, చార్ట్ లేదా మరేదైనా సాధనం ఉపయోగించవచ్చు. 3 వేర్వేరు రంగుల్లో ఉండే 32 పూసలను ఒక నెక్లెస్‌లాగా తయారు చేయండి. ప్రతి రంగు పూస మీ రుతుచక్రంలో ఒక్కో విభిన్న భాగాన్ని సూచిస్తుంది:

• ఒక ఎరుపు రంగు పూస మీ నెలసరి రక్తస్రావం మొదటి రోజును సూచిస్తుంది.
• 6 నీలం రంగు పూసలనేవి సాధారణంగా గర్భం వచ్చే అవకాశం లేని రోజులను సూచిస్తాయి.
• 12 తెల్ల రంగు పూసలు మీరు ఫలవంతంగా ఉండే రోజులను సూచిస్తాయి - అంటే, ఈ సమయంలో సెక్స్‌లో పాల్గొంటే, మీరు గర్భం దాల్చవచ్చు.
• మరో 13 నీలం రంగు పూసలనేవి సాధారణంగా గర్భం దాల్చే అవకాశం లేని రోజులను సూచిస్తాయి.

మీ నెలసరి రక్తస్రావం మొదటి రోజున, ఎర్ర రంగు పూస చుట్టూ ఒక ఉంగరం లేదా తీగ చుట్ట ఉంచండి. ప్రతిరోజూ దాన్ని ఒక్కో పూస మీదుగా ముందుకు జరపండి. ఆ ఉంగరం ఏదైనా తెల్ల రంగు పూస మీద ఉంటే, ఆసమయంలో సెక్స్‌లో పాల్గొంటే మీరు గర్భవతి కావచ్చని అర్థం. మీ తదుపరి నెలసరి రక్తస్రావం మొదలైనప్పుడల్లా, మొదటిరోజున ఆ ఉంగరాన్ని మళ్లీ ఎర్ర రంగు పూస మీదకు తరలించండి.

Sources

• Audiopedia ID: tel020511