Masasabing malakas ang pag regla kung ang isang makapal na tela o "napkin" na ginagamit ay natatagos bago pa man tumagal ang isang oras.
Ang pag regla ay sinasabing matagal kung ito ay inaabot ng higit sa walong araw.
Mga namumuong dugo sanhi ng pag regla ay isa ring basehan na masasabing malakas ang pag regla.
Ang malakas na pagregla na tumatagal ng ilang linggo o buwan o taon ay maaring maging sanhi ng anemya
Maaring sanhi:
Maaring ang "hormones" ay hindi balansyado kaya ang obaryo ay hindi nakapaglalabas ng itlog. Ito ay karaniwang nangyayari sa mga kababaihan na may edad mula 20 hangang 40.
Ang intra-uterine device (IUD) ay maari ding sanhi ng malakas na pag regla.
Kung ang babae ay nakunan lalo na kung di nya alam na sya ay buntis.
Kung ikaw ay sumasakit ang tyan at dinudugo, maaring ikaw ay buntis at ang bata ay nasa labas ng bahay-bata. MAGMADALI. Pumunta sa pinakamalapit na ospital.
Maari din na ikaw ay may problema sa "thyroid".
Maari din na ikaw may mga tumutubo na bukol o may kanser sa bahay-bata.
MAHALAGANG BABALA: Agad magpasuri sa barangay health worker kung ikaw ay may malakas na pag regla at:
Bumubulwak ang dugo sa iyong ari.
Ang pag regla ay malakas at tumatagal ng mga tatlong buwan.
Kung sa pag akala mo ikaw ay buntis.
Kung may kasamang matinding sakit ang at pagdurugo ng ari.
Sources
Burns, A. A., Niemann, S., Lovich, R., Maxwell, J., & Shapiro, K. (2014). Where women have no doctor: A health guide for women. Hesperian Foundation.
