Ano ang mga dapat kong malaman tungkol sa anxiety pagiging matatakuting o sobrang pag-aalala

Ang anxiety ay tinatawag ding "nerves', 'nervous attacks', at 'heart distress'.

Lahat ng tao ay nakakaramdam ng nerbiyos o pagkabalisa paminsan minsan. Kung ang mga nararamdamang ito ay dahil sa isang sitwasyon, kaagad din itong mawawala. Subali't kung ang nerbiyos o pagkabalisa ay tuluy-tuloy, o lumalala, o nangyayari nang walang kadahilanan, ito ay maaaring maituring na problemang pangkaisipan.

Mga Palatandaan:

• nakakaramdam ng tensiyon o nerbiyos nang wala namang dahilan
• panginginig ng mga kamay
• sobrang pagpapawis
• pakirmadam na mabilis na pagtibok ng puso ( nang wala namang sakit sa puso)
• nahihirapang mag-isip nang malinaw
• madalas na pagdaing ng sakit sa pangangatawan na wala namang sakit --- ang pagdaing ay lumalala kung ang babae ay nababalisa.

Ang pagiging masindakin o sobrang matatakutina n ay isang uri ng anxiety. Ito ay bigla lamang nangyayari at maaring tumagal mula ilang minuto hanggang ilang oras. Bilang karagdagan sa mga nabanggit sa itaas, , ang tao ay nakakaramdam ng malaking takot o pag-aalala, at ang pag-aalala na baka mawalang ng malay o mamatay. Maaari ring magkaroon ng sakit sa dibdib, mahirapang huminga at pag-aalalang baka may mangyayaring masama.

Sources

• Burns, A. A., Niemann, S., Lovich, R., Maxwell, J., & Shapiro, K. (2014). Where women have no doctor: A health guide for women. Hesperian Foundation.
• Audiopedia ID: fil011509