रोग फैलँदा मेरो परिवारलाई प्रकोपदेखि म कसरी जोगाउन सक्छु

Audiopedia Nepaliबाट
यसमा जानुहोस्: अन्वेषण, खोज्नुहोस्
QR for this page

https://www.audiopedia.org/np/%E0%A4%B0%E0%A5%8B%E0%A4%97_%E0%A4%AB%E0%A5%88%E0%A4%B2%E0%A4%81%E0%A4%A6%E0%A4%BE_%E0%A4%AE%E0%A5%87%E0%A4%B0%E0%A5%8B_%E0%A4%AA%E0%A4%B0%E0%A4%BF%E0%A4%B5%E0%A4%BE%E0%A4%B0%E0%A4%B2%E0%A4%BE%E0%A4%88_%E0%A4%AA%E0%A5%8D%E0%A4%B0%E0%A4%95%E0%A5%8B%E0%A4%AA%E0%A4%A6%E0%A5%87%E0%A4%96%E0%A4%BF_%E0%A4%AE_%E0%A4%95%E0%A4%B8%E0%A4%B0%E0%A5%80_%E0%A4%9C%E0%A5%8B%E0%A4%97%E0%A4%BE%E0%A4%89%E0%A4%A8_%E0%A4%B8%E0%A4%95%E0%A5%8D%E0%A4%9B%E0%A5%81

Click Code to Download

आकस्मिक अवश्थाहरूमा सुरक्षित पानीको अभाव, स्वच्छता र सरसफाईको कमीले रोगले महामारीको रुप लिन सक्छ। फोहार र धेरै मानिसहरू हुने ठाउँमा हैजा फैलन सक्छ।

रोगले तीब्र रुप लिंदा वा यसलाई रोक्न नसक्दा रोगको महामारी (वा रोगको प्रकोप) फैलिएर आकस्मिक अवस्था सृजना हुन सक्छ। रूघाखोकी र अरू रोगको माहामारी व्यक्तिको नजिकको सम्पर्कबाट सर्छ भने उक्त बिरामीहरूलाई अलग्गै राख्‍नुपर्छ।

सरुवा रुघाखोकीका लक्षणहरू: धेरै ज्वरो आउने, खोकी लाग्‍ने, घाँटी दुख्‍ने, जिउ दुख्‍ने, टाउको दुख्‍ने, काम्‍ने, थाकेको महसुस हुने, बान्ता हुने र पखाला लाग्‍ने हुन्। कुनै-कुनै बेला रुघाखोकीले गर्दा निमोनिया हुनुका साथै सास फेर्न पनि गाह्रो हुन्छ।

यी कुराहरूबाट बच्‍न यस्ता साधारण तरिका अपनाउनु राम्रो हो:

  • साबुन-पानीले वा खरानी-पानीले नियमित रुपमा हात धुनुहोस्।
  • दिशा र फोहरलाई सुरक्षित तरिकामा हटाउनुहोस्।
  • सुरक्षित तरिकामा खाना तयार गर्नुहोस्।
  • सुरक्षित अर्थात स्वच्छ पानी प्रयोग गर्नुहोस् वा घरमा भएको पानीलाई उमालेर, फिल्टर गरेर वा छानेर, क्लोरिन राखेर वा किटाणुरहित बनाउन घाममा राखेर शुद्धिकरण गर्नुहोस्।
  • पिउन सुरक्षित पानीलाई सफा भाँडोमा छोपेर राख्‍नुहोस्।
  • बिरामी भएको खण्डमा घरमै बस्‍नुहोस् र अरुहरूबाट टाढै रहनुहोस्।
  • खतराका लक्षणहरू वा संकेतहरूलाई चिन्‍नुहोस् र बिरामीको कारण अवश्था झनै गम्भीर भएमा के गर्ने र कहाँबाट मदत पाउने पहिल्यै थाहा पाइराख्‍नुहोस्।
  • भुँइ सफा राख्‍नुहोस्।
  • खोक्दा वा हाछ्युँ गर्दा कुइनाले छोपेर गर्नुहोस् वा टिस्यु प्रयोग गर्नुहोस् र प्रयोग गरिसकेपछि टिस्युलाई सुरक्षित तरिकामा नष्‍ट गर्नुहोस्।
  • बच्चाहरूको नजिक वा मानिसहरूको नजिक नथुक्‍नुहोस्।
  • विशेषगरि यदि कोही व्यक्तिले खोकिरहेको वा हाछ्युँ गरिरहेको छ र उक्त व्यक्ति अस्वस्थ देखिन्छ भने कम्तिमा पनि एक मिटर टाढा बस्‍नुहोस्।
  • सम्भव भएसम्म घरमै बस्‍नुहोस् र मानिसहरूको जमघटमा नजानुहोस र यात्रा नगर्नुहोस्।


Sources